Selina Seiler
Geschäftsführerin
Floristin EFZ
Huhuu, ig bi d Selina
Ig läbe hie mitem "Blumen Roselina" mi Chindheitstroum.
Das Privilleg, dass mä jede Tag gärn geit gah schaffe hei nid aui. Mini Lideschaft darf ig mit mim chline und doch so GROSSE Team teile.
Blueme hei so ä grossi Vielfallt und säge mängisch meh aus tuusigi vo Wort. Si gäbe Chraft & Liecht ih schwäre Zite, zoubere eim es lache iz Gsicht und strahle ihri schönheit fürne Momänt lang us.
Ig fröie mi, Di vilech einisch im Roselina z gseh:)
Rosmarie Seiler
Geschäftsinhaberin
Verkäuferin EFZ
Hallo zäme, ig bi d Rosmarie
Vor guet 40 Johr isch mi Bruefswunsch Gärtnerin oder Floristin gsi. D Umstäng hei mi jedoch id Lehr als Fleischfachfrou gfüehrt.
Läbesmittel und Blueme hei ganz viu gmeinsam. Sicher d kreativität aber vor auem d früschi vo de Produkt.
Nume ganz früschi Blueme mache Fröid.
Äs macht mir grossi Fröid zäme mit mire Tochter Selina und üsem tolle & junge Team im "Blumen Roselina" öii Wünsch z erfülle.
Maela Keller
Floristin EFZ
Heii, ig bi d Maela,
& für mi isches es Privilleg Floristin im Roselina z si.
Ig schetzä d zämearbeit ih üsem Team sehr und vorauem oh d Müglechkeit z becho, jede Tag mini Kreativität us zläbe.
Mit dere grosse Uswahl vo wunderschöne Schnittblueme isches ä wahri Fröid für üsi Chunde schöns z gstaute.
Anna Pfiszterer
Floristin in Ausbildung
Heii, ig bi d Anna
Floristin, isch ä Bruef wo mä sehr viu Kreativität und Handarbeit dri steckt. Jedä Tag isch angers und das motiviert mi ufs nöiä. Im "Blumen Roselina" chani mini Kreativität und Ideenä ihbringe und schöni Strüss, Gsteck, Chränz oder angeri Dekoratione zoubere. Ig ha das Gschäft usgsuecht, wöu z Team Grossartigi Arbeit leistet. Ih dä nächste 3 Jahr wärde si es guets Vorbiud für mi si und ig wirde viu vo ihne chönne lehre.